Prjónauppgjörið fyrir árið 2015

Já ég prjónaði mikið árið 2015, það er alltaf gaman að taka það saman og sjá svona í einu yfirliti.

Ég klárið þetta teppi handa Aþenu ömmugulli. En ég ætlaði að vera mun fljótari með það en síðan varð ég að setja bann á öll önnur verkefni fyrr en ég væri búin með þetta teppi. Skemmtilegt að prjóna tvöfalt prjón

Fyrsta verkefnið mitt var hringtrefill á Sofiu frænku sem hún pantaði sér. Rautt og blátt er í uppáhaldi hjá henni núna.

Petrea með hólkinn fyrir myndatöku áður en ég sendi hann til Kaupmannahafnar

Hef gaman af því að prjóna sokka. Prjónaði þessa og er búin að vera á leiðinni að skrifa uppskriftina síðan eða í tæpt ár! Spurning um að gera eitthvað í því á þessu ári 🙂

Kjólar á ömmuprinsessurnar mínar. Var lengi búin að leita að verkefni fyrir þetta garn. Norski barnakjólinn kemur vel út og stelpurnar eru flottar í þeim

Ég tók þátt í vettlingaprjóni þar sem þemað var hjörtu og Freja vettlingar urðu fyrir valinu.

Systir mín hjólar mikið og þegar ég sá þessa vettlinga á netinu bara varð ég að skella í eina handa henni.

Vesti á Hauk, hann var lengi búinn að tala um að ég prjónaði vesti og þegar ég sá þessa uppskrift ákvað ég að skella í eitt. JB vest frá Marly Bird

Spiderman peysa á Móra ömmugull. Þessi klikkar ekki fyrir Spiderman aðdáendur

Aþena ömmugull pantaði bleika peysu með Mínu Mús og auðvitað varð ég við því

Maía Sigrún ömmugull byrjaði á leikskóla og fékk auðvitað peysu og húfu

Útskriftargjöf fyrir frænkur. Hnésokkar – alltaf gott að eiga svoleiðis

Fór á Bindifestival í Færeyjum í apríl, var með námskeið í tvöföldu prjóni og naut mín umvafin gestrisnum Færeyingum

Féll alveg fyrir þessum stuttbuxum þegar ég sá þær. Stjörnustuttbuxur prjónaðar á Aþenu og Maíu

Móakotspeysa var búin að vera lengi á listanum hjá mér. Prjónaði Móbjörgu sem smellpassar á Jóhönnu mína

Þegar við mæðgur keyptum Bjarkarhól – tókum við að okkur uppskriftir í Bændablaðið. Þetta var fyrsta uppskriftin frá mér – Góða peysan, prjónaði tvær

Kanínuvettlingar á Maíu

Sumarhúfa á Maíu

Keypti mér Navia garn í Færeyjum í þessa skemmtilegu peysu á Maíu Sigrúnu

Kaðlapeysan Hrífa á prjóna nr 12 – langt síðan ég hef prjónað með svona grófum prjónum

Aþena var mikið með húfur þetta sumarið og prjónaði ég þessa á hana. Uppskriftin heitir Fern

Sá þessar fallegu leggings á norskri síðu og prjónaði eitt stykki. Paleas leggings

Molund hat, húfa eftir uppskrift frá Bittu Mikkelborg

Stutta hettupeysan Selma kom í Bændablaðinu

Í júní var komið að því að prjóna kjól úr Stone Washed. Skömm að því að segja að ég hef aldrei náð mynd af barninu í kjólnum. Kjörinn leikskólakjóll

Þessi kjóll var búinn að vera lengi á biðlistanum hjá mér, skemmtilegur að prjóna. Maía Sigrún tekur sig vel út í sumarkjólnum sínum. Uppskriftin heitir Ava Tunic og fæst á Ravelry

Ermar er alltaf gott að eiga og voru þessar mikið notaðar. Frábært að eiga utan yfir kjóla, uppskriftin heitir Twyla og ég notaði Stone Washed garn

Peysan Perlur fór í Bændablaðið

Borðtuskur, jú prjónaði nokkrar. Bitta Mikkelborg er í uppáhaldi hjá mér og voru mínar tuskur prjónaðar eftir uppskrift frá henni þetta árið.

Sumarið er ágætur tími til að undirbúa börnin fyrir haustið og mín litlu fengu auðvitað lopavettlinga

Barnabörnin fengu líka nýja sokka fyrir leikskólann. Aþena og Maía fengu eins sokka

Móri fékk þessa

Kaðlahúfa úr Merino Ull

Hvolpasveitapeysan fyrir einlægan aðdáanda þessara hvolpa. Mikil gleði og erfitt var að fá hann úr peysunni sama hversu heitt var úti….

Polku-myssy kaðlahúfa á Maíu

Herrapeysan Rákir fyrir Bændablaðið

Frost vettlingar sem ég teiknaði upp eftir gömlum vettlingum frá tengdamömmu

Kolkrabbahálskragi á Maíu og Móra

Kaðlahúfan Matti á Móra

Og ein aukalega fyrir búðina

Hjartakaðlahúfa fyrir Aþenu – hún kallar hana Frozen húfu

og ein auka fyrir búðina okkar

Frigg vettlingar 

Fleiri kaðlahúfur

Petrea mín á engil á himnum, prjónaði þessa vettlinga handa henni til minningar um litlu Emilíu Mist

Sá þennan skemmtilega kjól í Færeyjum og keypti mér garn og uppskrift í kjóla en hef bara prjónað annan af tveimur ennþá…..

Myria sokkar úr nýju sokkabókinni hennar Bittu

Leikskólagallinn Grallari – 4 eintök

Færeyska sjalið Demantar

Afkvæmið barnaútgáfa af Erfingjanum

Fleiri hnésokkar, á eftir að skrifa uppskriftina af þeim

Keypti Minions leggings á stelpurnar og ákvað að prjóna kjóla/túniku við þá í hlutlausum lit

Aþena fékk Smilla´s kjole

Maía fékk Fionas Top

Hér er komið myrkur og komið að endurskinsgarninu. Prjónaði vettlinga og húfur

Hálskragi á Aþenu – uppskriftin heitir Løvfallhals

Kisuvettlingarnir Kettunøsin

Jólapeysa á rauðvíns- og hvítvínsflöskur

Prjónaði mér dúk

Smekkpils á Maíu

Húfu og vettlinga handa mömmu

Peysan Bjarni á soninn

Guðmunda fékk tvöfalt prjón vettlinga í jólapakkann

Hlið A

Hlið B

Tátiljur í jólapakka

Endaði á að prjóna tvær endurskinshúfur í jólapakka.

Græna fyrir fótboltastelpu í Breiðablik

og rauða fyrir fótboltastelpu í Val

Þessir vettlingar voru á dagskrá um jólin ásamt nokkrum prufum og eldhúshandklæði sem ég var að gera. Kláraðist á nýju ári svo það fer ekki með hérna.

Já þetta er bara slatti sem “datt” af mínum prjónum árið 2015. Nú er komið nýtt ár og gaman að sjá hvað maður tekur sér fyrir hendur þetta árið.

Prjónakveðja
– Guðrún María